jan li lon poka lupa tomo
ona li lukin e lupa la | telo li lon
mun li pana e suno walo lon sewi telo | taso lili li tawa lupa tan telo
telo li tawa la | suno mun lili li tawa li ante lon tenpo ale | li pana e selo suno tawa lon insa tomo

tomo ni li tomo pi telo nasa
jan mute lili ante li lon poka supa | li moku e telo li toki li kalama
kon li musi | ale li pona

tenpo li kama li tawa | jan mute li pini e moku | li tawa weka tan tomo
taso | jan li awen lon poka lupa

jan pali pi telo nasa li toki e ni tawa jan
te sina wile ala wile e ijo sin to

jan li tawa e supa | li pana e poki pi telo ala lon supa
te mi wile ala e telo nasa to
jan li toki e ni | te taso | moku li pona tawa mi to

te moku seme to

te tenpo pini mute la | mi pini e moku pi telo nasa la | mi moku e telo soweli seli
  tomo wan pi telo soweli li lon poka tomo mi | telo pi tomo ni li pona mute a | mi olin mute e telo ni
  tan ni la | mi moku e telo soweli lon tenpo ale
  moku li pini la | telo nasa li nasa ala tawa mi to
musi li lon sinpin jan li lon kalama jan

te taso | telo kala taso li lon to
jan pali li toki e ni

te mi sona e ni
  telo kala li pona | taso telo soweli li pona mute to
jan li toki | pilin pakala li lon sinpin ona
te tenpo li ante
  ale li ike
  tenpo pakala li kama li pini la | jan ale li weka e ma | li tawa anpa telo
  soweli li lon ala anpa telo | kala li lon taso
  mi pilin ike mute tan ni
  tenpo kama la | moku soweli en telo soweli li lon ala to

te lon a to

toki li pini
jan tu li kalama ala li awen
ken la | toki insa li lon
suno mun lili li kama ala | tan ni la | lupa li kama pimeja

te mi tawa to
jan li toki e ni | li wile tawa e lupa weka

te o awen to
jan pali li toki e ni tawa jan
te mi wile pana e ijo tawa sina to

jan pali li jo e poki tan supa suli lon monsi ona

te mi wile ala e telo nasa
  mi nasa mute lon tenpo ni to

te ni li telo nasa ala to
jan pali li jo e poki lili kin | li pana e telo tawa poki lili tan poki ante
te o alasa moku e telo ni to

te seme li ni to
jan li nena e telo
pilin nasa li kama lon sinpin
te telo soweli anu seme to

te lon
  ni li telo soweli
  telo lili li lon | taso sina jan pona mi la | mi wile pana e telo mute lili tawa sina to
jan pali li toki | li pana e poki suli tawa supa monsi

jan li pilin nasa mute
ona li moku lili e telo
telo li lete | taso kon soweli li pona kin | li sama sona tan tenpo pini mute
telo lukin li tawa lon sinpin jan
te ni li sewi a
  sina jo e telo ni tan seme to

te anpa telo la | soweli li lon kin
  taso | lili li lon to
jan pali li tawa e lawa ona
te lon tenpo pakala la | jan pali pi jan lawa li alasa e soweli | li wile moku e soweli lon tomo pi anpa telo | li wile pana e soweli tawa jan ale
  taso | tenpo li mute ala
  jan pali li alasa e soweli mute lili taso
  jan lawa li jo e soweli pi nanpa lili la | ona li toki e ni

  | nanpa soweli li lili la | mi ken ala pana e soweli tawa jan ale
  | soweli ale li moli la | soweli li lon ala lon tenpo kama

  ni la | ona li pana ala e sona ni tawa jan ale
  jan lili taso li sona e ni
  taso | jan pona mi li jan pali pi jan lawa
  sina moli e soweli li pali e moku tan soweli tawa jan lawa lon tenpo lili
  tenpo wan la | sina jo e kiwen soweli tan ijo jaki li pana e kiwen tawa mi
  lon tenpo pi jan ala la | mi seli e kiwen lon telo la | mi pali e telo soweli ni to

te tenpo pini mute la | telo nasa li telo pi suno mun to
jan pali li pana e mu musi
te tenpo ni la | telo soweli li telo pi suno mun to

jan li lon poka lupa tomo. ona li lukin e lupa la, telo li lon. mun li pana e suno walo lon sewi telo, taso lili li tawa lupa tan telo. telo li tawa la, suno mun lili li tawa li ante lon tenpo ale, li pana e selo suno tawa lon insa tomo.

tomo ni li tomo pi telo nasa. jan mute lili ante li lon poka supa, li moku e telo li toki li kalama. kon li musi, ale li pona.

tenpo li kama li tawa, jan mute li pini e moku, li tawa weka tan tomo. taso, jan li awen lon poka lupa.

jan pali pi telo nasa li toki e ni tawa jan: “sina wile ala wile e ijo sin?”

jan li tawa e supa, li pana e poki pi telo ala lon supa. “mi wile ala e telo nasa.” jan li toki e ni, “taso, moku li pona tawa mi.”

“moku seme?”

“tenpo pini mute la, mi pini e moku pi telo nasa la, mi moku e telo soweli seli. tomo wan pi telo soweli li lon poka tomo mi, telo pi tomo ni li pona mute a, mi olin mute e telo ni. tan ni la, mi moku e telo soweli lon tenpo ale. moku li pini la, telo nasa li nasa ala tawa mi.” musi li lon sinpin jan li lon kalama jan.

“taso, telo kala taso li lon.” jan pali li toki e ni.

“mi sona e ni. telo kala li pona, taso telo soweli li pona mute.” jan li toki, pilin pakala li lon sinpin ona. “tenpo li ante. ale li ike. tenpo pakala li kama li pini la, jan ale li weka e ma, li tawa anpa telo. soweli li lon ala anpa telo, kala li lon taso. mi pilin ike mute tan ni: tenpo kama la, moku soweli en telo soweli li lon ala.”

“lon a.”

toki li pini. jan tu li kalama ala li awen. ken la, toki insa li lon. suno mun lili li kama ala, tan ni la, lupa li kama pimeja.

“mi tawa.” jan li toki e ni, li wile tawa e lupa weka.

“o awen.” jan pali li toki e ni tawa jan. “mi wile pana e ijo tawa sina.”

jan pali li jo e poki tan supa suli lon monsi ona.

“mi wile ala e telo nasa. mi nasa mute lon tenpo ni.”

“ni li telo nasa ala.” jan pali li jo e poki lili kin, li pana e telo tawa poki lili tan poki ante. “o alasa moku e telo ni.”

“seme li ni?” jan li nena e telo. pilin nasa li kama lon sinpin. “telo soweli anu seme?”

“lon. ni li telo soweli. telo lili li lon, taso sina jan pona mi la, mi wile pana e telo mute lili tawa sina.” jan pali li toki, li pana e poki suli tawa supa monsi.

jan li pilin nasa mute. ona li moku lili e telo. telo li lete, taso kon soweli li pona kin, li sama sona tan tenpo pini mute. telo lukin li tawa lon sinpin jan. “ni li sewi a. sina jo e telo ni tan seme?”

“anpa telo la, soweli li lon kin. taso, lili li lon.” jan pali li tawa e lawa ona. “lon tenpo pakala la, jan pali pi jan lawa li alasa e soweli, li wile moku e soweli lon tomo pi anpa telo, li wile pana e soweli tawa jan ale. taso, tenpo li mute ala. jan pali li alasa e soweli mute lili taso. jan lawa li jo e soweli pi nanpa lili la, ona li toki e ni:

nanpa soweli li lili la, mi ken ala pana e soweli tawa jan ale. soweli ale li moli la, soweli li lon ala lon tenpo kama.

ni la, ona li pana ala e sona ni tawa jan ale. jan lili taso li sona e ni. taso, jan pona mi li jan pali pi jan lawa. sina moli e soweli li pali e moku tan soweli tawa jan lawa lon tenpo lili. tenpo wan la, sina jo e kiwen soweli tan ijo jaki li pana e kiwen tawa mi. lon tenpo pi jan ala la, mi seli e kiwen lon telo la, mi pali e telo soweli ni.”

“tenpo pini mute la, telo nasa li telo pi suno mun.” jan pali li pana e mu musi. “tenpo ni la, telo soweli li telo pi suno mun.”