tenpo pini lili la | mi lukin e lipu pi (nanpa kala) pi (lipu+tenpo)
toki wan li toki e lipu [ko o jo o] en linluwi lon tenpo pini suli
ni li pona mute a tawa mi
sina lukin ala e ona la | o kama lukin

tenpo ni la | linluwi li ike mute
wan la | kulupu esun suli mute li alasa e mani lon tenpo ale
mi pana e mani mute la | awen la | sitelen esun jaki li lon ale
mi esun e ijo musi linluwi la | mi jo ala e ni
mi ken musi e ona lon tenpo ni | taso mi jo ala e ni lon tenpo ale
kulupu esun li ken pini e ken jo mi
ni li nasa mute a

kin la | jan mute lon ma linluwi li ike li nasa
jan li awen utala e jan ante | li pana e kon ike e kon jaki
jan li utala tan seme | mi sona ala a
jan li utala lon kulupu | lon lipu | lon ma toki | li toki ante e ale ante
jan li ken ala toki pona e ijo ante
kon ike jaki li lon ale la | tawa linluwi li ike mute tawa lawa jan
lon kon ike jaki la | lon tenpo suli la | lawa jan li kama nasa
ni li ike mute a

sona pi (lon ala) li lon kin
tenpo pini la | jan li pali e sona pi (lon ala)
jan li pali mute la | sona pi (lon ala) li mute lili taso | li ike lukin tawa jan kin
taso | tenpo ni la | ilo sona wawa li lon
ona li sona e ale li wawa mute | li ken pali e sona mute pi (lon ala) lon tenpo lili
sona ni li pona lukin tawa jan lon tenpo mute la | jan li ken ala ante e ona tan sona lon
ni li nasa ala nasa | mi sona e ni
ni li nasa wawa

taso | ma pona linluwi li lon a
mi la | kulupu linluwi lili li pona lon tenpo mute
ijo la | kulupu pi (toki+pona) li pona mute
kulupu ni li lili
jan kulupu li olin mute a e toki+pona
ni la | utala li kama lon tenpo lili | li lon ala
mi wile e ni
ni li awen pona lon tenpo ale
musi mi la | mi wile sona e musi pi (jan mute lili) taso

linluwi pi (tenpo pini) li pona a
sitelen esun jaki li lon mute lili | kon ike jaki li lon ala | sona pi (lon ala) li lon ala
ni li pona mute a
tan ni la | insa mi la | mi wile tawa e tenpo pini
moli pi (lipu [ko o jo o]) li ike la | mi mute li ken awen pali e lipu linluwi lili sama lipu mi | li tawa linluwi pi (tenpo pini) lon tenpo ni a

pona tawa linluwi lili | pona tawa linluwi pona

tenpo pini lili la, mi lukin e lipu pi nanpa kala pi lipu tenpo. toki wan li toki e lipu Kojo en linluwi lon tenpo pini suli. ni li pona mute a tawa mi. sina lukin ala e ona la, o kama lukin.

tenpo ni la, linluwi li ike mute. wan la, kulupu esun suli mute li alasa e mani lon tenpo ale. mi pana e mani mute la, awen la, sitelen esun jaki li lon ale. mi esun e ijo musi linluwi la, mi jo ala e ni. mi ken musi e ona lon tenpo ni, taso mi jo ala e ni lon tenpo ale. kulupu esun li ken pini e ken jo mi. ni li nasa mute a!

kin la, jan mute lon ma linluwi li ike li nasa. jan li awen utala e jan ante, li pana e kon ike e kon jaki. jan li utala tan seme? mi sona ala a. jan li utala lon kulupu, lon lipu, lon ma toki, li toki ante e ale ante. jan li ken ala toki pona e ijo ante. kon ike jaki li lon ale la, tawa linluwi li ike mute tawa lawa jan. lon kon ike jaki la, lon tenpo suli la, lawa jan li kama nasa. ni li ike mute a.

sona pi lon ala li lon kin. tenpo pini la, jan li pali e sona pi lon ala. jan li pali mute la, sona pi lon ala li mute lili taso, li ike lukin tawa jan kin. taso, tenpo ni la, ilo sona wawa li lon. ona li sona e ale li wawa mute, li ken pali e sona mute pi lon ala lon tenpo lili. sona ni li pona lukin tawa jan lon tenpo mute la, jan li ken ala ante e ona tan sona lon. ni li nasa ala nasa? mi sona e ni: ni li nasa wawa!

taso, ma pona linluwi li lon a. mi la, kulupu linluwi lili li pona lon tenpo mute. ijo la, kulupu pi toki pona li pona mute. kulupu ni li lili. jan kulupu li olin mute a e toki pona. ni la, utala li kama lon tenpo lili, li lon ala. mi wile e ni: ni li awen pona lon tenpo ale. musi mi la, mi wile sona e musi pi jan mute lili taso.

linluwi pi tenpo pini li pona a. sitelen esun jaki li lon mute lili, kon ike jaki li lon ala, sona pi lon ala li lon ala. ni li pona mute a. tan ni la, insa mi la, mi wile tawa e tenpo pini. moli pi lipu Kojo li ike la, mi mute li ken awen pali e lipu linluwi lili sama lipu mi, li tawa linluwi pi tenpo pini lon tenpo ni a.

pona tawa linluwi lili, pona tawa linluwi pona.